Plantun de Prouvènço

Pèr coumpara dos planto d'encò nostre

Radiola linoides & Stellaria graminea

Radiola linoides

Linaceae

Noms en français : Radiole faux lin, Faux Lin.

Descripcioun :
Lou faus-lin es uno pichoto planto pas bèn grando que se vèi pas gaire. Trachis dins li relarg umide, proche d'aigo, sus sòu séusous. Se recounèis à si fueio óupousado quàsi óuvalo de mens de 4 mm de long e à si cambo roujo. Li flour soun pourtado pèr de long pecou emé de petalo blanco dificile de vèire.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 12 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Radiola
Famiho : Linaceae

Ordre : Malpighiales

Coulour de la flour : Blanco
Petalo : 5
Ø (o loungour) flour : 1,3 à 3 mm
Flourido : Printèms

Sòu : Si
Autour basso e auto : 0 à 1600 m
Aparado : Noun
Mars à jun

Liò : Sablo umido - Pelouso roucaiouso bagnado - Riéusset
Estànci : Mesoumediterran à Mountagnard
Couroulougi : Paleoutemperado
Ref. sc. : Radiola linoides Roth, 1788

Esteleto(-di-fueio-de-gramenum)

Stellaria graminea

Caryophyllaceae

Nom en français : Stellaire à feuilles de graminée.

Descripcioun :
L'esteleto-di-fueio-de-gramenum, pulèu raro au nostre, trachis dins li bos fres, li tourbièro e li relarg umide. Se recounèis eisadamen à soun port prim emé de tijo carrado e subretout à si fueio en lanço, longo e sènso pecou que dounon un pau d'èr à li dóu gramenum. Apoudèn que li sepalo an 3 nèrvi que se vèson bèn (fotò) e que li petalo fan de 3 à 8 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.

Port : Erbo
Taio : 10 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Stellaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 7 à 10 mm
Flourido : Printèms - Estiéu

Sòu : Si (Ca)
Autour basso e auto : 0 à 1700 m
Aparado : Noun
Jun à juliet

Liò : Bos fres - Prado umido - Tourbièro - Proche de ribiero
Estànci : Mesoumediterran à Mountagnard
Couroulougi : Éurosiberiano
Ref. sc. : Stellaria graminea L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Radiola linoides & Stellaria graminea

ges

Coumpara Faus-lin emé uno autro planto

Coumpara Esteleto(-di-fueio-de-gramenum) emé uno autro planto